Saterdagoggend tussen 06:00 en 07:00 is dit weer tyd vir Landbou Joernaal, net op Kanaal 7. Kom luister na stories van heinde en verre met onder meer die volgende gaste:

• Knopvelsiekte bly ’n groot uitdaging in die Namibiese landbou, met al meer gevalle wat aangemeld word. Dr. Andreas Gaugler gee die nodige inligting en raad.

• Dr. Louis du Pisani gesels oor die impak van droogteveerkragtigheid in boerdery.

• As jy las het van hommeltuie op jou plaas, is die gesprek met Deon Blaauw vir jou. Hy is ’n kenner op die gebied van verskillende tipes hommeltuie en die toerusting wat daarop aangebring word.

• Landbouweekblad bied altyd baie interessante artikels en hul webblad word ’n paar keer per dag opdateer. Alet Joubert neem ons deur die jongste uitgawe met onder meer BKS- en graanstories.

 

Luister na Landbou Joernaal Saterdagoggend om 06:00, met ’n herhaling Woensdag tussen 20:00 en 21:00. Kanaal 7 is beskikbaar op DSTV se klankkanaal 825, via die selfoontoep of aanlyn by www.k7.com.na, waar jy ook na vorige uitsendings onder Potgooi kan luister. Besoek die Landbou op K7 Facebook-bladsy sowel as Kanaal 7 se webwerf vir interessante artikels en gebeurtenisse.